2010: சிறந்த 10 படங்கள்:

2010: நான் பார்த்ததில், எனக்கு பிடித்த சிறந்த 10 படங்கள்:
*********************************************************


1) நந்தலாலா - மிஷ்கினின் ஆக்கம் மற்றும் இளையராஜா எனும் ஹீரோயிசம். அன்பினை வித்தியாசமாக வெளிப்படுத்தியதற்காக....



2) இன்செப்ஷன்(Inception) - கனவு தொழிற்சாலை. மாஸ்டர்பீஸ்.படம் பார்த்த போது சில நேரம் நானும் கனவு காண ஆரம்பித்தேன்.நான் அனுபவித்த சில கனவுகளும் இருந்தன...(௨.ம் - நாற்காலியில் இருந்து விழும் காட்சி). படம் பார்த்த போது நிறைய காட்சிகளை உடனே புரிந்து கொள்ள முடியவில்லை. விக்கிபீடியா மற்றும் வலைபதிவர்கள் உதவியுடன் புரிந்து கொண்டலில் அவ்ளோ சந்தோசம் :-)




3) களவாணி - இது ஒரு பீல் குட் மூவி. அவ்வளவு சந்தோசம் இந்த படம் பார்த்தவுடன்.கதை இன்றி திரைக்கதையால் ரசிக்க வைக்க ஒரு உதாரணம்.



4) எந்திரன் - இது ஒரு ஷங்கர் படம். தலைவரை ரொம்ப நாளைக்கு பிறகு கொஞ்சம் நடிக்க வைத்ததற்கு ஷங்கருக்கு ஒரு ஷொட்டு. ரஹ்மான்,ஐஸ்,கிராபிக்ஸ் என ஒரு மகா தாண்டவம்.

5) Unstoppable - சில லாஜிக் மீறல் இருந்தாலும் சீட் நுனியில் உக்கார்ந்து ரசிக்க வைத்த படம். வாழ்க்கையை உணர வைத்த படம்.

6) மைனா - முதலில் அனைவரும் நன்றாக நடித்து இருந்தனர். மைனாவின் கண்களில் ஏதோ ஒரு காந்த சக்தி. போக போக தெரியும். அற்புதமான திரைக்கதை, பசுமையான கேமரா. நல்ல முடிவாக இருந்து இருந்தால், களவாணி போல் இதுவும் மனதில் நிற்கும் படமாக இருந்து இருக்கும்.

7) விண்ணை தாண்டி வருவாயா - சிம்புவை நடிக்க வைத்த, திரிஷா இவ்ளோ அழகா? என எண்ண வைத்த , ரஹ்மானிடம் கைகோர்த்த - கௌதமிற்கு ஒரு பூங்கொத்து.

8) பாஸ் என்கிற பாஸ்கரன் - ஆரம்பம் முதல் இறுதி வரை சீரியஸா காமெடி பண்ணி எல்லோரையும் மகிழ வைத்த மற்றும் ஒரு நல்ல படம்.

9) மதராச பட்டிணம் - படம் பல படங்களின் கலவை என்றாலும் கலையும், திரைக்கதையும் நம்மை நாற்பதுகளுக்கு இழுத்து சென்றது மறுக்க முடியாத, மறக்க முடியாத உண்மை.

10) அங்காடி தெரு - நாம் பார்த்த ஒரு கடை தெருவின் அவல நிலையை ஒரு காதல் மூலமாக சொன்ன வசந்த பாலனுக்கு ஒரு வந்தனம். அந்த பெண்ணின் காலை உடைக்காமலே பாசிட்டிவாக முடித்து இருக்கலாம்.

பின் குறிப்பு: 8 தமிழ் படங்களில் 5 படங்கள் குடும்ப படங்கள்(1 - மாறன், 4 -ஸ்டாலின்)